劉家豪回巢無綫　唔排除搵林峯拍劇

曾為金牌監製劉家豪及梅小青舉行歡送會的梁乃鵬，今日以前無綫行政主席身份，於灣仔設宴歡迎二人重返無綫出任戲劇製作總監，而楊怡、關菊英、陳敏之、阮兆祥、米雪、李司琪及馬浚偉等亦有到場。

感激梁乃鵬念舊情

受訪時，劉家豪率先多謝梁乃鵬於早年離任前設宴歡送自己及太太梅小青：「佢話TVB嘅大門永遠打開，離開後仍然有聯絡。梁乃鵬好長情，係『萬里長情』！」而梅小青就表示大感溫暖：「當時歡送我哋，今次又歡迎我哋，安排好體面，我個心好暖。」她又言即將開設新的劇集線路，以合拍形式與內地合作。她再補充希望重現經典劇集如《溏心風暴》等，更有意開拍續集《溏心風暴3》。

畀李寶安誠意打動

問到二人是否受重金禮聘回巢？劉家豪直言被無綫高層李寶安的誠意所打動，他又提到與林峯合作的可能性，家豪說：「等佢個唱完咗再傾，不過都想栽培新人。」

對黎明首場個唱取消感突然

講到天王黎明首場個唱突然取消，梅小青表示：「我原定30號去睇佢個唱。我同佢合作過《原振俠》等，佢好有心同好長情。佢次次都都會寄飛畀我哋，覺得取消咗個唱好突然。（感可惜？）星期六應該有啩，因為佢付出咗好多（努力）。」