容祖兒帶妝做運動　朱晨麗素顏打拳！

為咗Keep Fit，女人可以去到幾盡？天后容祖兒（Joey）早前左腳韌帶受傷，但依然負傷上陣內地歌唱節目《我是歌手4》，不過休養緊嘅佢，呢日居然做運動呀！Joey喺網上晒自拍照，見佢帶住妝跑步，睇嚟好心急想做運動Keep Fit喎，佢留言話：「跑到斷氣。」但就嚇到一班粉絲紛紛留言問佢隻腳好番未，叫Joey要乖乖地休息，唔好咁快做運動住！

而藝人朱晨麗同樣喺網上甫做運動嘅相，打完拳嘅佢容光煥發，難怪大騷靚靚素顏照啦！佢仲HASHTAG強調自己真．素顏，佢話：「頭髮變長了，嘿嘿。#運動過後 #純素顏#今晚可以睡得好一些了。」