出DVD慰戲迷　龍劍笙未有新演出計劃

粵劇名伶龍劍笙（阿刨）2015年底由加拿大返回香港，演出《紫釵記》全劇，完成十六場演出後，戲迷一直渴望阿刨再踏台板，亦心急希望《紫釵記》全劇DVD盡快推出，以解對她的思念。

新娛國際負責人丘亞葵（Vigo）透露積極希望再斟阿刨回港演出，他說：「其實我好希望同刨姐再度合作，但係安排一次演出要多方面配合，包括場地、演員、幕後工作人員等，缺一不可，要整體配合先做到，依家我只可以肯定，刨姐同我短期內未有演出計劃，但日後發展如何，一切隨緣！」

盡善盡美留傳後世

但刨迷不用苦惱，因為《紫釵記》全劇DVD定於4月29日正式推出，Vigo說：「因為《紫釵記》全劇有兩位花旦，等於DVD內要放兩套長劇，每套三小時，單係剪接已經需要若干時間，我係一向要求盡善盡美嘅人，所以希望八隻CD喺調色上做到一致，呢個係留傳後世嘅作品，我唔希望為自己造成一個日後嘅遺憾，所以花咗好多時間處理畫面同剪接，依家終於完成。」