【有請玲玲】被批中秋有喜 楊怡望生女
20160430
東網電視
更多新聞短片
玲玲師傅（右圖右）即場幫楊怡批算，話楊怡中秋就會有喜，咪即係9月左右？
「羅太」楊怡及堪輿學家麥玲玲到土瓜灣出席琥珀貿易中心開幕禮，楊怡獲不少Fans舉牌支持，身穿連身裝的她大晒長腿，身形依然纖瘦。
好易造人成功
早前阿怡與羅仲謙拉埋天窗，大家都很關心她何時報喜佗B，麥玲玲即場批算，指阿怡「隨時有喜」：「其實阿怡連續三年都有機會有喜，只要佢肯就好易有，中秋開始就可能有好消息?！（生仔定女好？）生女比較旺阿謙，愈多女愈好！」
年底擺酒唔生住？
阿怡亦希望第一胎生女，覺得女兒比較窩心，不過她直言尚未有生B計劃：「呢件事隨緣，我都未識湊小朋友，我驚自己係虎媽。」玲玲又笑指楊怡中秋會有好消息，隔三個月後即大約聖誕節就會有喜訊公布，阿怡聞言即撒嬌嗌唔制：「年底擺酒，到時要有A4腰呀！」
搵陳茵媺傾湊仔經
講到好友陳豪及陳茵媺（Aimee）再做父母，阿怡表示之前曾送BB衫，今次則會較實際封利是：「或者叫媽咪煲湯水，Aimee生完要補吓，我都會搵Aimee傾吓偈，學定湊仔女經！（學佢哋生夠三個？）好難講，係天賜嘅。」身旁的玲玲即指阿怡「相當生得」，將來生三至四個也不出奇。
今年唔會拍劇
事業方面，阿怡與TVB完約後暫時自由身，並謂希望接一些較輕鬆的工作：「例如今晚就會返大陸登台，同公司會繼續有合作嘅。（拍劇？）今年唔會住，想專心搞好婚宴先。」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：