新劇煞科喪喊　前田敦子約舊拍檔聚舊

日本女團AKB48前成員前田敦子，近日主演嘅深夜劇《毒島百合子的赤裸裸日記》，搏到盡演出激烈情慾戲，令唔少劇迷對佢另眼相看。劇集喺日前已經煞科，放低重擔嘅前田收花時情緒激動，忍唔住掩嘴喪喊。

拍完劇嘅前田，噚日約埋6年前合演劇集《Q10》嘅舊拍檔高畑充希、柄本時生同池松壯亮聚舊，高畑充希近排趕忙高收視晨早劇《當家姐姐》，原來一班人已經相隔一年齊腳再聚，幾個人影合照時，更唔顧形象大擺鬼臉。