甄子丹扮占士邦　開槍出晒火！

近排好多人都讚天王黎明係最識運用facebook嘅藝人，另一邊廂宇宙最強甄子丹就似乎好鍾意玩instagram，又甫相又甫片，都算玩得幾密。平時佢都會甫自己練功嘅片同相晒吓肌肉咁，今日佢都upload咗自己練習嘅片，不過今次係練槍。

段片total 20秒，但絕對可以話係精心炮製，一開頭係全黑畫面，製造懸念，鏡頭有喺佢前後兼側邊拍住佢開槍，加埋慢鏡同聲效，仲有埋占士邦嘅音樂做背景音樂，子丹就喺片中話：「Gun Training for the movie today.（今日為電影練槍）」而留言仲話自己係「Chinese James Bond（中國占士邦）」，唔知究竟佢今次嘅角色係咩呢？