跑10K暈倒 蘇志威請「救命恩人」食飯

20160502
東網電視
更多新聞短片
蘇志威(左下右)聽日就50歲生日,日前就同親朋好友粉絲齊齊開P!
草蜢成員蘇志威(蘇老闆)於明天5月3日50歲生日,他提早與100位歌迷開戶外Party慶祝。老友蔡一智帶同老婆仔女參加,齊齊與歌迷玩遊戲。歌迷邀請他的父母、好友葛民輝、張衞健和星級Fans容祖兒等拍祝賀片送驚喜,而大女Yumi更花了9個小時親手炮製蛋糕,並與妹妹Ina送吻,蘇老闆表現勁冧!
葛民輝大爆「吊吊揈」
草蜢最近為相隔19年再推出的國語專輯《Music Walker》不斷四出宣傳變了空中飛人。不過蘇老闆50歲生日決定在香港約同歌迷慶祝,他收到很多生日禮物,歌迷還邀請了很多他身邊人拍片送祝福,其中葛民輝和張衞健最搞笑,阿葛大爆:「草蜢初出道時同居九龍城嘅時候,蘇老闆經常只着底褲周屋走,所以一直都覺得佢特別『威猛』同『硬朗』,又笑言要叮囑佢:『喂,你年過半百㗎,着番條褲啦,啲女都大個,唔好再吊吊揈!』。」
張衞健祝鞭鞭有力
而張衞健就「窒窒吓」唱生日歌,他說:「呢首chok版生日歌特別送畀蘇老闆,祝你身體健康,年過半百,有心有力。祝你黃雨點淋都唔病,馬拉松跑極都唔冧。阿嫂,畀啲三鞭酒你老公補吓,擔保佢鞭鞭有力,生日快樂!」他七情上面又手舞足蹈,全場爆笑。歌迷亦相當有心思,蘇老闆亦專程在台灣帶了10張專輯海報、蔡一智設計的頭巾等做禮物,由於禮物非常珍貴,歌迷玩遊戲時都份外落力。
親自打畀「救命恩人」
玩遊戲期間,蘇老闆透露早前他跑10K暈倒時,得到一位陌生人悉心照料,因為對方替他聯絡蔡一智,所以蘇老闆日前特意打電話問蔡一智取回對方聯絡,並請對方食飯答謝。台下歌迷聞言都報以掌聲,唯獨蔡一智扁晒嘴,原來之前蘇老闆表示過請他食鮑魚,但沒有下文。他對台下歌迷投訴,說:「佢唔認呢條鮑魚數,我都冇辦法!佢依家仲問我攞人哋電話,請人哋食飯,但冇提及過我囉!」蘇老闆立即安慰他說:「唏,我唔係請佢食鮑魚呀嘛!」
囡囡獻花送吻
生日會重頭戲當然是唱生日歌和切蛋糕,蘇老闆兩位囡囡上台獻花和咀嘴,還有太太劉小慧隔空Kiss,非常溫馨。之後蘇老闆感性地說:「我真係好開心,今日嚟咗好多跟咗我好多年嘅歌迷,仲有阿智一家大細,希望每一次聚會都可以見到呢班熟悉嘅臉孔。好多謝歌迷搵咗好多我身邊嘅人拍片送畀我,祖兒、阿葛同Dicky(張衞健),就連我平時去打波嘅桌球室同車房老闆都有,最勁係搵埋我爸爸、媽媽拍片。(生日願望?)希望大家都身體健康,開心快樂。仲要多謝Yumi花咗9小時造咗個蛋糕畀我,我唔捨得食!」
最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結: