陳凱琳露腰晒腿　被嫌太瘦唔開心

藝人陳凱琳（Grace）、鄭嘉穎、陳嘉寶及阮兒等，於坑口為無綫劇集《殭》作宣傳。身穿露腰裝出席的Grace大晒22吋小蠻腰，她稱現時已經增了磅，又直言經常被指太瘦會感到不開心。Grace提及男友鄭嘉穎與其母親見過面，故知曉她與家人同屬「瘦底」。她說：「肥咗少少。（男友帶你食好嘢？）都會呀。（佢有冇話你太瘦？）冇，佢見過我媽咪一樣瘦，知我個底好瘦。我最重都冇超過100磅，有時畀人講太瘦都會唔開心，因為我冇標準瘦就係靚。」

曾為嘉穎包餃子

談到Grace於台上炮製美食，閒時有否為男友下廚？Grace甜蜜自爆曾為對方包餃子，更稱男友胃口大：「我煮嘢食唔叻，不過包過餃子畀佢食。佢都讚好食，佢好大胃口，一次食十幾隻。（難餵飽男友？）唔係嘅。」提及母親節安排，Grace說：「各自同自己媽咪食飯，有時間就同對方媽咪食飯，（送咩畀嘉穎媽咪？）可能問佢意見。」