【執相是常識吧】羅霖莊思敏美肌過度

三日假期結束，又係時候收拾心情返工，「50胸」羅霖今日都晨早飛去長沙工作，佢喺微博同乂大家講早晨：「Good morning!I am going to Changsha now.」其實就真係冇乜特別，不過奇就奇在佢放上微博張自拍大頭照，有啲美肌過度囉，加上羅霖睜到雙眼大一大，雙眼皮好深再加上好粗眼線，睇上去就唔多自然喇！不過以50歲女人嚟講羅霖保養得好好，其實可以試吓素顏或淡妝示人！

另一邊廂，剛剛度過36歲生日的莊思敏喺微博上載自拍照同大家講「morning」，當然佢張自拍照都會執下啦，但佢就美肌美到自己面無血色，嘴唇蒼白，睇上去一啲都唔「morning」囉！

係啦！執相還執相，千祈唔好學宮雪花咁執到欄杆都變埋形。