再赴上海開工　山下智久成日劇雙料視帝

尊尼偶像男星山下智久（山P），今年初曾傳出受師兄組合SMAP嘅解散風波影響，令進軍內地計劃一度叫停。不過，尋日佢又到咗上海，為電影《解碼者》開工，電影微博更公開山下喺錄影廠嘅幕後相。而山下尋日抵埗時，有大批消息靈通嘅內地粉絲到機場接偶像，不過佢地今次好有秩序，唔似上次咁混亂。

另外，日本報章《日刊Sports》公布「2015年日刊Sports日劇賞」結果，山下憑《獻給阿爾吉儂的花束》成為視帝，同時又憑劇集《朝5晚9》奪得最佳男配角，成為「日刊Sports日劇賞」史上首個雙料得主。獲獎嘅山下表示好開心，而過去一年亦令佢過得好充實。