讚黎明超nice　宣萱：佢對人冇目的

藝人宣萱帶同愛犬現身電台節目，跟主持人雷頌德大談寵物經，她又謂跟對方是同一間大學，很久不見，今日可以聚舊。講到她昨日有睇黎明（Leon）演唱會，她表示：「雖然有啲意外發生，但成個氣氛仲推得高啲，好開心見到佢啲fans好瘋狂，好支持，就算發生意外，個個都好正面支持。（聽佢講同側邊fans傾偈？）側邊都係我自己朋友，所以咪同克勤嗰啲影吓相。」她亦謂黎明為人放鬆：「從佢講嘢知道佢用輕鬆態度面對，唔係好緊張。」

她亦講到廿多年前跟對方合作拍劇：「好佩服佢咁多年嚟啲fans嘅range都好闊，由?妹到老人家都有，咁多年都keep到，我覺得好touching、好感動。（佢嗰陣已經多金句？）同佢拍劇好開心，雖然佢嗰陣已經係天王，但都係人一個，會一齊玩，佢好nice，好照顧人，因為我哋住附近，佢都成日車我，對人冇目的，我會對佢有目的多過佢對我有目的。」