福山雅治搵石川戀大谷亮平救新劇收視

日本男神福山雅治婚後首部孭飛嘅日劇《Love Song》，首播至今收視成績強差人意，為避免創下富士電視台「月9」檔史上最低收視紀錄，有關方面於是接連請來話題人物助陣，希望救救收視。

先係昨晚播出嘅第四集，有為《奇蹟補習社》原作小說拍封面照而上位嘅22歲女模石川戀亮相，開場時她於床上攬住福山來質問一番，獲不少網友大讚可愛。至於下周第五集則請來近年活躍韓國藝能界嘅35歲日本男星大谷亮平，曾參演大熱古裝韓片《鳴梁》嘅佢，回流強攻日本市場，被睇好有望做第二個藤岡靛，未知能否為該劇吸納更多師奶粉絲捧場。