夜蒲學韓文　翟威廉借醉行兇溝韓妹

藝人翟威廉、麥美恩及黃嘉樂等於電視城，錄影節目《Sunday好戲王》。

問到威廉早前被拍得與劉晨芝夜蒲，他稱與對方只是好朋友，問到有否發展機會？威廉直指當對方是妹妹：「我當佢係細妹，身形都是細妹。（發展可能？）冇咩可能發展。（同佢坐埋咬耳仔？）我借醉行兇啫，間舖係佢嘅。佢介紹好多韓國朋友畀我。（韓妹？）我都想，但佢通常介紹韓仔model。」

本身學習韓文的威廉笑言要去蘭桂坊夜蒲識人練韓文：「逼我出去蘭桂坊玩住嚟練，好多日本同韓國人，但太嘈。」談到其「好好好好朋友」陳庭欣日前自認單身，他對此笑言自己是「黃金單身」：「都係咁。（她話自己單身？）我唔只單身，仲係黃金單身。（分咗手？）不嬲都係朋友，邊有分手。」