網民惡搞挑戰底線　范冰冰變黑冰冰

正所謂「一白遮三醜」，白係好多女性嘅終極追求！內地女星范冰冰（范爺）一向又白又靚，但係如果范冰冰變咗做「黑冰冰」，大家仲鍾唔鍾意呢？

啱啱范冰冰就喺微博轉發咗一張網友將佢由白變黑嘅圖片，相中見到佢「即刻變黑，得咗！」個樣真係完全唔同晒，難怪連佢自己都留言話：「為甚麼觸碰我的底線，為甚麼要這樣折磨不白會死星人！哈哈哈哈哈」，睇嚟「黑冰冰」冇嚇走粉絲！唔少粉絲都留言大讚佢啲牙夠白，又讚佢黑咗都咁靚，仲有人話黑啲仲顯得瘦啲添！