鬥嘴孖寶安德尊與李錦聯原本今午要到電視城為無綫節目《男人食堂》錄影，暢談對「中年危機」的看法，但最終未見安德尊現身，工作人員指他塞車，李錦聯笑言：「佢似係想避開我啦，依家都未到，真係靠唔住！（網傳無綫想開藝人打MMA節目，點睇網友話想睇你同安德尊對打？）我無興趣！佢實唔夠我打，但佢係大王嚟，不倒翁咁，打一拳佢又起番身，打一拳佢又起番身，會令人好想打佢！」

下月迎57歲

李錦聯又謂自己十年前已預備迎接中年危機，他說：「嚟近6月4日，我就57歲，好多人話我似47歲，其實我由十年前開始就預備，由食3餐到食2餐，到減至食1餐，因為有啲研究話老鼠愈食得少，會愈長命，依家我會注重體重，珍惜煩惱絲咁！」