笑聲抗癌　陳美齡備臨終禮物給兒子

育有三子的資深藝人陳美齡（Agnes）早前曾患上乳癌，她接受有線訪問時表示：「患病期間最驚係睇唔到仔仔成長，最大心願係見到細仔初中畢業。所以每日同上天祈禱，祈求佢畀多五年時間我。」最後憑積極、堅強意志成功戰勝癌魔。

患病期間，Agnes最感謝丈夫和兒子不離不棄照顧，她說：「我知道我患病時佢哋好大壓力，成日會驚媽媽突然走咗，所以再辛苦我都唔喊，成日嘻嘻哈哈，笑面迎人，因為我知道我喊佢哋會更難過。」

次子錯失攻美樂壇良機

當時，Agnes已準備好臨終禮物給孩子，她說：「我幻想如果自己過身，三個仔仔點算呢？希望留下美好回憶畀佢哋，於是我準備咗三個盒畀三個仔仔，每一個盒都盛載住佢哋成長嘅經歷，例如有小時候嘅牙齒、一些相片，希望我走後佢哋唔會寂寞。」

次子盡得Agnes的唱歌天份，曾有美國唱片公司邀他入行，不過因爸爸極力反對，所以最後拒絕。Agnes說：「人哋係美國唱片公司，呢個機會好難得，如果我早啲知道一定會叫佢試吓，依家錯失咗大好機會，好可惜。」