黃心穎細個已係黎明粉絲：佢啲歌有回憶

天王黎明（Leon）今晚繼續在中環海濱長廊舉行《黎明LEON 30TH ANNIVERSARY RANDOM LOVE SONGS IN 4D LIVE 2016》演唱會，再次吸引不少藝人朋友前來捧場，包括黃心穎、翁嘉穗、小肥、容祖兒媽咪等。

Like爆黎明歌

心穎BB透露出世後第一個喜歡的男歌手就是Leon，又指原先想親自買飛捧場，但近日忙於開工，不知自己哪日有空，今日才獲朋友贈票：「今日打畀個朋友話得閒，佢就請我嚟睇，我啱啱七點先收工，成個劇組都知我今晚睇黎明，係咁話要拍快啲，啲演員都唔敢NG咁多！」她又指一直非常喜歡Leon的歌，覺得不但易記，而且歌詞有意思。

問到是否喜歡黎明的金句？心穎BB笑說：「金句係近幾年嘅時，佢啲歌有好好嘅回憶，特別係廣告歌，如果有機會見到佢，我會講其實我細細個已經聽佢嘅歌。（講細細個好衰喎。）咁我講四大天王之中我最鍾意係黎明嘅。」