洪永城呢？唐詩詠孖好友林子萱台灣慶生

今個月3號35歲生日嘅藝人唐詩詠，同好友林子萱去咗台灣旅行慶祝，呢幾日二人不時上載旅行嘅點滴上Instagram，當中去咗個好得意嘅展覽館，大玩反地心吸力，既有趣又溫馨，林子萱喺相說明：「答應你的...約會。飛來一起睡一起笑~要幸福哦 ❤」唔少網民留言大讚姊妹情深！而唐詩詠上載嘅「反地心吸力」照留言寫道：「Thank you for staying up with me all night, just to talk（感謝陪伴了我一整晚，只想聊聊天）」呢幾日嘅相都冇男友洪永城（Tony）嘅蹤影，連網民都忍唔住留言問「Where's Tony！」唔知揸機嗰個係咪洪永城呢？