出年做母親慶母親節？王菀之話未諗

歌手王菀之（Ivana）與音樂人馮翰銘（Alex）今日為去年合作的管弦樂演唱會DVD舉行簽唱會，會上兩人與粉絲玩遊戲，又即席表演！

明日母親節，Ivava表示會陪母親打牌耍樂慶祝，她說：「我哋間唔時都會打吓麻雀，因為媽媽好鍾意打麻雀。（媽咪打牌叻唔叻？）好叻，所以一定輸。（有冇預備禮物畀媽咪？）唔使㗎，有時間陪佢係最開心！」Ivana透露因為奶奶去了旅行，所以昨晚已請奶奶食飯慶祝，她說：「其實唔係母親節先重視，平日都盡量抽時間陪長輩係應該嘅！」明年希望輪到自己慶祝母親節？她說：「未諗！」Alex則透露明日不會工作，會同媽咪、太太一齊食飯，他跟囝囝一齊秘密整了張畫給太太做禮物，他說：「個仔好緊張囉！」

問到兩人今年會否再攜手合作開騷？Ivana表示正忙於與白只排練舞台劇，而Alex也要為6月與容祖兒的拉闊音樂會準備，不過明年兩人將有大型音樂會演出，但暫時不能透露，Ivana說：「今年我仲要拍戲，不過音樂都會繼續做。」Alex也要籌備第二張唱片，所以兩人今年檔期已經爆滿！