古巨基教小朋友音樂　做埋人肉鬧鐘

歌手古巨基（基仔）最近榮升古SIR，幫大陸一個節目《音樂大師課》充當老師，教一班小朋友音樂。一向喜歡小朋友嘅基仔對住班小朋友勁有愛心，即使小朋友扭計唔肯上堂，佢都唔會發脾氣，用心去教導佢哋。除此之外，基仔更出動自己親手設計嘅Kubi公仔陪小朋友瞓覺，又做人肉鬧鐘每朝叫醒佢哋上堂，甚得小朋友歡心。由基仔上載上網嘅相片可見，佢同小朋友嘅感情相當深厚，經常玩到打成一片。節目就快完結，基仔好唔捨得咁留言：「倒數第二集，也是最後一堂課。大清早叫你們起床，陪你們笑，陪你們哭…讓人心疼的四隻猴子，古老師愛你們。」其實基仔咁鍾意小朋友，唔知幾時同老婆整番個呢？