黎耀祥爆老婆當年主動追求

黎耀祥、湯盈盈及邵珮詩等，出席《愛·回家之八時入席》母親節活動。

黎耀祥一家三口到場，表示活動完結後會返家燒嘢食慶祝母親節。問到祥仔送甚麼給太太，他即答：「冇喎，我唔識呢啲嘢，更加唔識氹女仔。（點追老婆返嚟？）當日佢追我，送衫又買嘢食，我雖然木獨，但唔係傻，好快就一齊，所以第二時我都冇橋過畀個仔。」

祥仔早前又與太太「情侶檔」拍廣告：「舊客要求嘅，市道又唔好，冇特別收貴啲。（覺得老婆表現點？）新人嚟講OK嘞，起初有啲生硬，我咪教吓佢囉。」