王君馨Plan定去探好姊妹鍾嘉欣

藝人鍾嘉欣今天在社交網正式宣布做媽咪，一班好姊妹當然戥她高興，其中王君馨（Grace）接受《東網》電話訪問時，笑指今次嘉欣於網上公布前，未有先向姊妹團透露半點，但言談間似乎已知嘉欣BB姓別，不過卻相當口密，她謂：「都係留畀嘉欣自己講啦！（咁喺加拿大生定返香港生？）都係畀佢自己講，我諗佢都想喺嗰邊休息多啲，有老公陪住，返香港又好多嘢做，又會畀人跟！（會唔會飛去陪佢生？）咁勁，不過班姊妹都plan緊探佢嘅時間，因為大家都要開心，所以未知就到幾時，依家唯有facetime住先。」Grace更指見嘉欣陀B陀得很開心及輕鬆，亦非常期待小生命來臨，她謂：「佢好鍾意小朋友，又好媽媽，平時去佢屋企都係佢煮嘢畀我食。（上契？）未知，無論係點個BB都會有幾個姨姨錫佢，希望有一日係我哋嘅下一代都可以做埋好朋友。」而苟芸慧則謂：「為好姊妹Linda進入人生的新階段感到開心，祝福他們一定幸福快樂！」