張兆輝冇膽玩一夜情：家和萬事興

藝人張兆輝為劇集《全職沒女》於電視城開工，首日拍攝廠景，在劇中與陳松伶發展感情，他表示劇情講述二人於七年前因酒後發生關係，經兜兜轉轉才獲悉此人是松松。問現實中可發生過一夜情？張兆輝謂：「梗係冇，嗰個咪係我老婆，我個人好實在，玩唔起。（有冇畀人誘惑過？）嗰時日日開工，邊有時間畀人引誘，成日喺廠都冇機會出去。（對手呢？）冇，我好清晰，就算幾投入都好，但自己都冇呢啲諗法。」

談及事業有成加上做生意，特別受女士歡迎，張兆輝笑謂：「每一類人都有人鍾意，睇多定少，依家時下女仔未必鍾意古板男人，我依家好滿足，有事業、有屋企，家和萬事興嘛！會好好享受，唔好搞啲煩瑣嘢。」