蔡國威第一日返無綫開工：好開心

前亞視藝人蔡國威過檔無綫後第一天開工，早上到電視城化妝間準備時都不忘拍照留念，身為工作狂的威威受訪時坦言很享受，但第一日開工便要返通宵：「無綫第一個Job係為慈善團體拍一個善長真人騷，遇到嘅工作人員全部係新相識，佢哋都好照顧我，感覺好開心，今晚仲要開通宵。（辛苦？）我反而鍾意，因為我係工作狂！（想拍劇？）都想，以前亞視好少劇拍，等公司安排啦！（六合彩今期有1.5億獎金，會買嗎？）自己係六合彩之子，哈哈，會買嘅，同朋友夾咗幾百蚊，當買個希望囉！」