送咩畀陳凱琳媽咪？鄭嘉穎尷尬傻笑避談

藝人鄭嘉穎與陳凱琳出席無綫劇集《殭》宣傳活動，劇集步入結局階段，一眾演員選出自己的心水結局，包括「人類變成殭屍」、「不死人假不死」及「殭屍灰飛煙滅」，同場亦公布網民投票選出的《殭》「最like人氣女神」，由陳嘉寶奪得，陳嘉寶在台上笑言：「冇咩幾可攞到獎」。

讚女友叻豬

鄭嘉穎與女友陳凱琳齊齊接受訪問，談到早幾次宣傳活動不肯一齊受訪，嘉穎說：「唔係唔肯，只係唔想焦點都喺我哋度，其他演員都有付出。」談到日前播出的《星星探親團》中，陳凱琳不識寫鄭嘉穎的名字，陳凱琳就笑謂：「依家識寫啦，有進步係好事。」鄭嘉穎則謂：「其實佢五歲就去咗加拿大生活，識得寫自己名好叻架喇！（會唔會嬲？）唔會嬲。」《星星探親團》中，陳凱琳透露即使不捨得加拿大，亦不會留在當地，因香港有父母、弟弟及嘉穎在。講到嘉穎的排名最後，嘉穎就謂：「我有睇，講父母先好正常吖。（有冇失落？）我高興都嚟唔切啦，有提我個名喎。」期間嘉穎不斷傻笑。

陳凱琳爭住護駕

至於母親節如何度過？二人謂各自與媽媽一起度過。嘉穎被問有沒有買禮物給Grace的媽媽？Grace就謂：「其實佢見到啲鍾意嘅嘢都會買畀媽媽，唔會特登嘅。」嘉穎亦繼續被追問準備禮物未？他則尷尬又傻笑表示：「多謝大家！」二人受訪後被要求合照，嘉穎就頻頻抹汗又傻笑。