【咀到嘔血】黃宗澤冧爆娶翠如
20160510
東網電視
更多新聞短片
黃翠如與黃宗澤為新劇《幕後玩家》拍攝結婚戲份。
藝人黃翠如與黃宗澤（Bosco）為新劇《幕後玩家》拍攝結婚戲份，劇情講述二人宣讀誓詞及情深一吻後，Bosco突然吐血暈到。現場所見，Bosco於宣讀誓詞時頻食螺絲，兩人情深一吻亦僅以蜻蜓點水式完成，監製陳維冠見狀即要求他們咀嘴時停頓片刻，最後拍了五Take才過關。
死撐冇尷尬
被問到為何Kiss時有點尷尬？翠如死撐謂：「冇呀！我哋作為演員好專業嘅。（冇同蕭正楠備案？）之前同Bosco有場仲勁，係我從影以來最大膽，我隻腳要擺去Bosco度，佢仲教我將隻腳放邊冇咁辛苦。」Bosco亦謂：「拍嘢嘛！備咩案先？（你個日模JUN呀！）佢喺日本，唔好成日問住晒啦！畀啲空間人，同埋日本地震嘛，唔好亂咁去呀！」
感情關係複雜
而曾與蕭正楠（Edwin）為該劇穿過四次婚紗的翠如，如今又與Bosco結婚，被取笑戲中感情關係複雜，翠如謂：「搞到我都好亂呀，角色講我本身同Edwin先，後來先同Bosco，佢今日吐血未死得嘅，其實呢套劇着咗5次婚紗夠晒恐懼，已經唔想再着嘞、好煩！」被問到新郎不是Edwin的感覺，翠如即撒嬌扯開話題，她謂：「本來諗住喺紅色暴雨警告下拍呢場戲好淒美，但拍嗰時又冇雨喎！」
望葉凱茵一切安好
對於同劇的葉凱茵年初曾因突發性妊娠毒血症被逼墮胎，Bosco表示雙方雖然不熟絡，但也望對方一切安好，翠如亦最重要是繼續開心過日子。
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：