【勁耐冇見女友】黃宗澤認難維繫：咁忙

藝人黃宗澤（Bosco）出席運動服裝品牌活動時，即場示範拎住啞鈴單手做掌上壓騷quali，之後仲親自教被挑選上台的現場觀眾做健身運動。

接受訪問時，Bosco透露完成該品牌活動就要飛到成都工作，而昨日剛剛為新劇完成拍攝自己的所有部分。提到有很多工作在身，是否賺到笑時，Bosco笑言：「多謝大佬，阿媽大食啫，我都有還畀啲兄弟姊妹架，請佢哋食飯，仲會同糖妹去操吓，我哋個監製好嚴格，仲有阿聰（張繼聰）喺度，佢好fit！」

市道差仲想開餐廳

其後談到現時市道差，其餐廳生意可有受到影響，他直言唔多唔少都有：「托賴啦，都想搵地方開分店，未必係分店嘅，可能係其他餐廳，不過睇定啲先。」Bosco日前被《東網》被踢爆搭上日模JUN，問到他是否沒有時間拍拖？他謂：「係架！冇得了解，又唔喺香港。唔得閒飛去日本。（幾耐冇見？）返咗去咁耐啦，有message嘅，個幾月啦。（視像呢？）冇喎，了解吓先啦，唔好成日問，畀啲空間。（難維繫？）難啲，咁鬼忙。」

講到很多圈中人都拉埋天窗同生B，Bosco笑言冇心思思，而且媽咪都冇催婚：「我又冇好心急，搵錢緊要，搵多幾年錢，賺多啲，可以穩定啲。」另外，問到Bosco有關與無綫的合約，他坦言合約不是今年約滿，還有一少段時間。

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment