懶理傳聞照飛韓國 陳煒對老公絕對信任

20160511
東網電視
更多新聞短片
陳煒真係對老公百份百信任喎!
藝人陳煒、苑瓊丹(苑仔)和岑麗香在將軍澳電視廣播城出席無綫劇《火線下的江湖大佬》祝捷會,更齊齊宣布昨日第12集收視平均取得28點,最高達30點,約有200萬觀眾收看,成績甚佳。
夫妻有古怪嗜好
談到有指陳煒老公疑似與台灣歌手鄭雙雙過從甚密,與陳煒老公有來往的苑仔即替好友陳煒澄清:「傳聞唔好信!」更指早前都有與陳煒老公在台灣見面,更逗留兩日:「佢老公好好招呼,如果我呢啲都傳緋聞都幾大件事!佢都Whatsapp我話嚟香港,問有冇嘢要佢帶嚟。」亦大爆兩公婆有古怪嗜好:「就係靈修,心靈上嘅交流。(打坐?)類似啦!」問是否即是「神交」,陳煒即笑謂:「都幾神交㗎!」又重申與鄭雙雙認識:「啲相全部都係喺老公facebook度攞出嚟,仲要係集齊晒呢幾年啲相!(對老公絕對信任?)係,但佢唔好彩,佢聽日嚟,但我聽日就去韓國買衫。(唔陪老公?)上次話我買機票返台灣,其實就係我買機票去韓國買衫。」
有借口嗌埋單
問會否怕老公嬲,她反而笑指老公「整單嘢畀佢歎」,對方更應為買衫找數:「我肉體上需要扮靚!」苑仔亦笑謂:「如果第時見到我老公同第二個影咗相,唔使通知我。仲好添,幫我照顧吓我老公。」