李思欣呻一搭巴士就撞車:畀巨響嚇親

20160511
東網電視
更多新聞短片
李思欣話好日唔搭巴士,一擔巴士就撞車,認真慘慘豬啦!
大部份藝人出入已經好少搭公共交通工具,不過真係一係唔搭,一搭就出事!藝人李思欣啱啱就喺微博上載咗兩張巴士入面嘅相,留言話:「好日唔搭巴士 一搭就發生巨響,撞車了!巴士成塊玻璃裂左(咗),希望冇人受傷,等轉車中。」相中見到巴士疑似同前面的小巴發生碰撞,巴士嘅車頭擋風玻璃裂咗,似乎都唔少嘢咁喎!唔知思欣同咗老公范振鋒報平安未呢?
手握扶手冇大礙
事後思欣接受《東網》訪問時坦言因老公范振鋒將座駕駛了返將軍澳電視廣播城錄影節目,她自己要出去學唱歌,她謂:「起初諗住搭的士,但媽咪話有架巴士去銅鑼灣好快,點知一搭就撞。」思欣指當時自己坐在巴士的上層,她憶述事發經過時謂:「當時巴士小路出大路,心諗咁窄都過到,點知就撞到,因為自己有手握扶手,所以冇大礙,不過當時車上所有乘客都畀嗰吓巨響嚇親。」