名人：沈慧林黃又南合力打造父子陀飛輪

「港產陀飛輪」萬希泉創辦人沈慧林（William）與藝人黃又南是好友，當William得悉又南數年前替父還債的故事後，即靈機一觸，望與又南合作設計一隻以「父子情」為主題的腕錶。由於此主題抽象，難以表達，日前二人又再開會商討設計詳情。

William透露腕錶將有突破性設計：「我哋打算喺錶針着手，分針代表仔，時針代表爸爸。兩支針分別會有兩個圖案，代表兩個生命力，但當佢哋重疊嗰陣，會構成一個完整嘅圖案。」

又南認為腕錶設計既要表達親情又要型、又要潮。問又南是否打算送給父親為父親節禮物？他說：「父親節應該趕唔切，不過我當然係諗住送呢隻錶畀爸爸啦！」另外，他表示近日忙於宣傳無綫劇集《殭》，同時正在接洽兩部電影，預計來年將專注於電影發展。