【「元華」上身】鄭嘉穎爆肌耍劍滴晒汗
藝人鄭嘉穎喺劇集《殭》中造型被指似殭屍始祖元華,演不死人刑活著嘅佢個頭勁油,仲畀網友笑佢500年冇洗頭呀!
劇中,嘉穎雖然個勁頭油(每日唔知用幾多支髮蠟啦!),但佢嘅衣着就好簡單,成日都係着番嗰條軍褲同白素色TEE。尋日播出嘅《殭》,嘉穎終於除咗佢件Tee,留意番,佢個頭堅持係好油!佢喺度爆晒肌耍劍,啲汗係咁標出嚟,係咁左劈右劈,再次留意番,佢個髮型始終如一,都係冇亂過呀!嘉穎原來不單止造型似元華,就連一身鋼條紥實身型都似足對方,雖然嘉穎未至於有六嚿腹肌咁正,但班女粉絲都話睇到心心眼呀!BTW,點睇都好似元華上身咁喺度耍劍!
嘉穎耍劍之後,網上班花生友即刻口痕痕,留言問嘉穎用咩gel,唔明點解佢咁大動作,個髮型都屹立不倒,媲美周柏豪個比比鳥頭呀!除此之外,網友諗番之前飾演夢南嘅謝安琪,畀人綁住「超C趕D」嘅震撼一幕,班網友話原來《殭》除咗謝安琪身材好好之外,就連男主角都係一樣咁FIT,爆晒肌勁有料,仲讚佢身材勁過C級謝安琪!
最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結: