名模Lisa S.以星級評判身分出席模特兒比賽，身負重任為活動選出模界後起之秀，Lisa表示今日較早前與囡囡Raven，名模好友Ana R.及其囡囡Maya、Dragon-i老闆之一林雨生及仔仔，一起聚舊和享用點心，她透露已見過Maya數次：「佢係細版Ana，好得意，係一個開心BB，我同Ana細細個已經認識，大家當時仲好後生，未結婚，都16年前啦，大家都改變晒。」

同囡囡似樣

談及下月就3歲生日的囡囡Raven的樣子跟Lisa很相似，她說：「係呀。（佢好長頭髮！）由佢出世到依家，我都冇幫佢剪過頭髮，啲頭髮長到落屁股，我唔想幫佢剪。（點解呀？）因為頭髮對女仔係好重要，唔似男仔，成日可以剪，但呢樣嘢好個人，佢第時想剪都可以。（佢想好短髮、剷青都得？）冇所謂，我19歲都試過，佢開心就得。」又謂囡囡的頭髮很像自己幼細的頭髮，很漂亮。

冧讚M字額吳彥祖靚仔

問到老公吳彥祖（Daniel）是否已經出現M字額？Lisa笑說：「佢M咗一段時間啦，好彩佢頭形都靚，就算剷光頭都靚仔，我好愛佢，佢對我嚟講係好靚仔。（你平時都有同囡囡講普通話？）我唔會呀，佢喺美國有讀普通話，佢都有笑我普通話差，我同佢講，佢會話唔係咁講㗎，我講講廣東話只係識鬧人，因為我廣東話唔叻，而Daniel就有教佢講普通話。」