敖嘉年唔怕畀蔡思貝電親：我膠做嘅

藝人敖嘉年到電台接受薛家燕節目訪問，薛家燕特別送上新加坡手信給嘉年，嘉年說：「係我托薛家燕買嘅，呢隻潤喉粉得新加坡先有，對把聲好好。」

同警界朋友攞料拍劇

嘉年拍完《來自喵喵星的你》後，6月緊接開拍新劇《心理追兇》，劇中飾演總督察，為此他特相約三位從事警界的朋友見面「攞料」，他說：「同佢哋傾偈學到好多嘢，原來佢哋查案，當喺毫無頭緒嗰陣，都會借助吓啲神力（如占卜），雖然唔知Work唔Work，但原來佢哋乜都會試，佢哋又教我好多行內術語，如Search會話sear啦，仲教我正確嘅揸槍手勢，我寫資料都寫咗幾張紙。」

少同女藝人單獨見面

嘉年又說同劇還有蔡思貝及未落實的馬國明，劇中和蔡思貝有感情線，問可擔心跟被指是「發電廠」的蔡思貝傳緋聞，他很有信心謂：「唔怕，我膠做嘅（意指不過電），我同麥長青，胡諾言，林夏薇熟啲，其他敏感嘅（女藝人）好少私下單獨見面。」