黃光亮未必再拍劇：要遇啱好對手

藝人黃光亮出席活動，拍照時說話都表現得很隨性，毫不避忌照爆粗，訪問時問到平時拍劇可有不慎爆粗要NG？黃光亮坦言：「有時情緒戲太投入都會，但試過冇叫重拍，係用後期製作去執走。」問到是否覺得拍電影對白「尺度」大點？黃光亮謂：「拍電影都會照『嘟』，但導演都會保留個三級版（即爆粗版）先，可能上映時會執走啲粗口！」

另外，問到可會繼續拍劇？黃光亮坦言未必，都有保留。問到是否要睇卡士才接？他說：「唔係卡士問題，係對手問題，遇啱好對手會有交流，唔係各自各做，浪費時間。」黃光亮又言試過拍電影，有些演員會有剪片權，可以將其他人演出的場口剪走，他坦言：「因為你啲戲搶過佢囉！（有冇反應過？）咁都要套片上咗先知，所以冇得講。」