感情急唔嚟！周麗淇專心事業望公司上市

藝人周麗淇（Niki）早前接受電台節目訪問時，談到去年公開其髮型屋總裁身分，生意愈做愈好，除了獲不少圈中人力撐，更與國際品牌合作，問到Niki可會想公司上市，她笑言：「想買舖做業主多啲，當然都想上市，同埋想世界各地都有分店，係自己嘅夢想嚟！（想努力賺錢做富婆？）咁我暫時唔係為生活奔波，仲未有經濟負擔。」問到現時只專注事業，可會想跟家姐周汶錡一樣盡快結婚生B，Niki直言當然想擁有屬於自己的家庭，不過因為感情急唔嚟，所以都不會羨慕家姐。