【獨家率先爆】黃長興弄璋之喜再做爸爸!

20160517
東網電視
更多新聞短片
恭喜晒呀!
無綫藝人黃長興囡囡Paige依家兩歲大,長興同太太Peggy一直都想追多兩、三個先收工,今日有好消息傳出,長興又再做爸爸喇!仔仔喺養和醫院出世,重七磅幾,B仔同爸爸長興一樣咁靚仔,眼線長、鼻高高、嘴細細,頭髮又多,相當可愛!
長興啱啱六點幾喺於醫院門外接受《東網》獨家訪問,又再升呢做爸爸嘅佢笑容滿臉,心情勁靚,講到佢湊夠一個「好」字時,他話:「好多人都有機會,只係時間問題,不過三年抱兩令屋企更加完美,自己又有靚老婆,有個女、依家又有個仔,所以要努力工作,畀最好嘅佢哋。」
錫阿女多啲
長興又話B仔嘅中英文名都仲未改,要等太太決定,佢又話自己一直想生四、五個小朋友,因為佢自己都係「大家庭」,但又覺得老婆懷孕九個月好辛苦,今日見到老婆生咗都覺得輕鬆啲,佢話:「今次真係急少少,其實都想每隔三年、每隔三年咁生,但係啲人話隔兩歲會開心啲。(囡囡好開心?)都幫個女送咗份禮物畀細佬,亦都幫細佬買咗份禮物送畀家姐。(係咪你剪臍帶?)今次有剪臍帶,其實都唔易剪,太太生嘅過程我都不停同佢講笑話,等佢輕鬆啲!(錫細佬多過家姐?)梗係錫家姐多啲,因為係daddy第二個情人嚟嘛,阿仔白雪雪、鼻高高、健健康康就得。」
唔請陪月
長興之後要去澳門拍劇,又話未試過離開太太咁耐,所以有啲擔心,問佢有否請陪月,佢話:「上一次有請陪月,但都唔係幫到啲乜,今次由太太自己嚟,未去澳門前我都會幫手。」長興又恭喜李蘊做媽媽,希望佢盡力照顧小朋友,仲讚佢可以做全職媽媽添!
最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結: