溫家偉談緋聞纏身：我對啲人Nice咋！

藝人溫家偉在九龍灣派氣球。問到他「銷情」如何？他指氣球深受小朋友歡迎：「小朋友爭住要！（冇靚女想要？）都有，但我自己鍾意小朋友多啲！（快啲生番個？）未咁快！自己想拍多啲戲、做耐啲生意先，養小朋友好大responsibility，所以想事業stable啲先。（女朋友都係咁睇？）唔知呀，都冇女朋友！」

談到他的雪糕生意，他透露準備進軍批發界，亦考慮在港島開分店，同時有不少朋友希望入股。常言道與朋友搞生意易出事，他謂：「媽咪都係咁樣同我講，怕我會冇咗個朋友。（你咁忙都難追女仔啦，而且緋聞又咁多。）唔關我事架，我對啲人Nice咋！不過我真係拍拖都唔會介意公開，收埋好辛苦！」