撐賴慰玲　鄭嘉穎同高層有「分歧」互窒

無綫藝員賴慰玲因接拍《殭》而結識到一班好友。近日有報道言之鑿鑿，指男主角鄭嘉穎與女主角謝安琪早鬧不和，嘉穎反而欣賞身為配角的賴慰玲，有一次飯局上談起賴慰玲，就與高層曾勵珍「意見分歧」互窒，事後曾勵珍竟然召見賴慰玲「了解」。

多謝鄭嘉穎提攜同欣賞

賴慰玲接受電話訪問表示：「好多謝嘉穎咁欣賞我，其實拍《殭》嗰時，佢已經成日鼓勵我、陳嘉寶同陸永等，佢係個好肯提攜後輩嘅人。嚟緊我同佢會喺新劇《迷》再次合作，希望能夠把握機會，再喺佢身上學多啲嘢，我仲有好多嘢要進步。（同無綫簽長約？）一直都傾緊，有咩消息再同大家報告啦。」