自爆17歲初戀 Chloe@As One單拖吸金

20160519
東網電視
更多新聞短片
Chloe@As One賣甩成員單拖出活動,佢仲自爆正式拍拖係17歲!
組合As One嘅Chloe出席交友App宣傳活動,第一次單拖出現Chloe表現得怕怕醜醜:「平時對答都係另外兩個成員(Shin,Nata)負責,今次一個人有啲緊張。」Chloe笑言可能因為自己形象比較宅女,所以活動邀請咗佢嚟。問到佢有冇試過用交友App識朋友?佢就話:「我識朋友都比較順其自然,所以冇用過,但我試過同朋友去海傍唱歌,都會識到啲都係鍾意音樂嘅朋友。」
公司冇阻止拍拖
講到Chloe人生第一次約會,佢就自爆16歲時同自己崇拜嘅師兄一齊去咗睇燈飾,不過最後都冇下文:「因為大家都好宅,嗰時係去睇聖誕燈飾,但係細個唔識嘢,聖誕之後先去,好多燈飾都拆咗,冇咩氣氛,我又要趕返屋企。」而真正拍拖嘅時間,Chloe就話係17歲:「拍拖屋企一定會知,不過屋企都好放心我,唔會講啲咩,但我就唔會話特登帶返屋企。」講到依家可有拍拖? Chloe就話雖然公司冇特別阻止,但工作好忙,有時一去韓國就去一個月,所以冇特別去搵對象。