早前曾鬧出因劇本問題而要「停廠」的無綫劇《親親我好媽》監製關永忠，被指其上司曾勵珍就事件要搵人「開刀」，關永忠因而「被辭職」。

關永忠接受《東網》訪問時稱：「如果我係炒就即走啦！我仲喺無綫返緊工，只係我自己遞信辭職，會做到11月先走！（為咗停廠要孭鑊所以引咎辭職？）同停廠冇關係，因為拍劇要就演員或外景成日都會遇到，我亦冇就事件要見過高層（照肺），自問所拍嘅劇亦冇超支，對得住公司，今次辭職只係因個人情緒問題，因為停廠呢單嘢搞到咁大，太多是非，都有唔開心，咪辭職囉，其實我都唔係第一次離開無綫，之前都走過一次，一間公司自然流失好正常。（有另外外發展？）未有喎！想抖吓先！」