李佳芯嘆冇時間準備愛情

藝人李佳芯（Ali）逐漸搣走「狐狸精」形象，早前在劇集中飾演成熟女強人，成功「入屋」，其後又相繼與方中信同羅嘉良合作，演技受考驗！不過Ali在事業上一切順利，但對於感情就較為低調，早前與nowTV主持人陳炳銓爆相戀，她未有正面回應，更笑言演戲比感情來得容易，她說：「演技可以畀時間去練習，但係感情就冇得準備，覺得係睇緣分，唔係幻想就有，冇得諗，係需要時間同對方了解。（劇接劇太忙冇時間了解？）依家都開始慣，最過意唔去係對屋企人，以前可以同屋企人飲茶，前排拍《律政強人》，見方sir（方中信）仲多過屋企人！」