大陸簽名會混亂　鄭中基為自保：襲擊人

藝人鄭中基（Ronald）與太太余思敏出席「為食起革命日」五周年活動，與在場150名小學生一同炮製有機沙津，對於是日520普通話諧音「我愛你」，問Ronald對太太有何表示？他起起初笑指不明意思，後來才謂甜蜜事情不一定要某些日子才進行，余思敏則向Ronald撒嬌指「520」代表「唔要你」，爆笑非常！

余思敏大談煮兒童餐

Ronald透露平日大多由他下廚，皆因太太事無大小也會大叫：「屋企小朋友已經成日尖叫，但佢把聲可以蓋過小朋友，咁不如我煮，我個女本身唔鍾意食肉，但我會用十幾個用『慢煮』方法整啲嘢畀佢食，佢又幾鍾意，個仔就乜都食，喺佢面前好有自豪感。」現場所見，Ronald頸部出現紅疹，他不明原因，只感覺得癢，擔心範圍擴大，暫時忍住，會盡快求診。

談到內地女星劉亦菲於廣州宣傳時被熱情粉絲衝上台突襲倒地受傷，Ronald表示不知情，但他曾於內地舉行的簽名會上遇過混亂場面，他謂：「個活動要行上去上層，到我行番落去時後面啲人又係咁咁衝上嚟，我一轉身，啲人就碌晒落去，我捉都捉唔住，但我就冇畀人襲擊過，相反我係襲擊人嗰個，因為人哋以為我係童黨。」