劉亦菲被撲跌最新消息：受了極大驚嚇

大陸演員劉亦菲昨晚喺廣州為電影《夜孔雀》宣傳時，發生被狂迷衝上台撲跌的意外，事後劇組先後發咗兩個聲明，第一段聲明主要交代番事發經過，仲話一定會對狂迷保留法律追究權利。第二個聲明，就主要講番個狂迷嘅身份，聲明話肇事者自稱係劉亦菲超級影迷，衝上台只係希望表白，同埋可以同劉亦菲做個朋友，不過劇組喺聲明度都有強調，相關嘅資料係未經證實嘅消息，最終情況都要等警方公布同確認。

另外，劇組亦UPDATE咗劉亦菲嘅最新進展，聲明話劉亦菲精神上受到極大驚嚇，原本表示劉亦菲未有受傷的劇組，在新一輪聲明中更表示由於劉亦菲是被猛力撲倒地上，雖然即場未有發現有異樣，但回到酒店後，就發現四肢均有多處擦傷，亦有待進一步就醫觀察。

而《夜孔雀》導演戴思傑今日凌晨則在微博發文表示對事件發生感到很震驚，又大讚劉亦菲職業素質高，呼籲大家要尊重和愛護演員。