名人：又見面啦！超盈成功集里奧仔郵

賭王四房千金何超盈和名媛榮文蔚繼續忙於在康城穿梭不同的派對，剛剛二人又出席了當地舉行的amfAR Ball，與奧斯卡影帝里奧勒度狄卡比奧（Leonardo DiCaprio）和荷李活女星美娜祖華維茲（Milla Jovovich）等同場。

超盈分別與兩位奧斯卡影帝，里奧仔和艾哲倫保迪（Adrien Brody）成功集郵，另外又與澳洲演員Joel Edgerton、名模Petra Nemcova和中國名模劉雯等靚女合照。其實，超盈曾見過里奧仔數次，超盈更曾在某一個慈善BALL中，投得里奧仔所拍的電影其中一個角色，當時兩人已經合照過。其後，里奧仔於澳門出席新濠影滙開幕時，兩人又再見面合照，所以今次是他們第三次見面。

榮文蔚獲里奧仔邀出席慈善活動

而榮文蔚表示之前已跟里奧仔及Milla見過面，今次再度碰頭，更有多點時間與兩人傾談，感到開心不已，她更搭着里奧仔的膊頭合照，她說：「里奧仔邀請我七月份參加佢個慈善活動，我答應咗，所以好快又會再見。」問到與Milla密密傾了甚麼，榮文蔚說：「我介紹咗個德國朋友畀佢識，個德國朋友開咗間抗衰老療程診所，Milla好有興趣，仲叫我哋如果去美國，一定要去佢LA屋企食飯。」