華心認愛　「奸樣」舒淇曖昧問：有沒有

林心如、舒淇及林志玲被形容為台灣三大「黃金盛女」，不過40歲嘅林心如趁今日520認愛36歲嘅台灣型男霍建華（呢度簡稱為華心戀），宣布終於脫「盛」啦！

而同心如老友鬼鬼嘅舒淇，當然都有喺微博為兩人送上祝福啦，舒淇轉發霍建華工作室認愛嘅微博，畀咗超多表情符號，然後留咗句非常之曖昧嘅說話，就係問：「有沒有」，而啲表情符號都相當搞鬼，有花有超人，仲喺「有沒有」後面加咗三個奸樣，唔知舒淇呢個「有沒有」，係問緊「有冇咀嘴」、「有冇結婚打算」、「有冇覺得勁興奮」定係咩呢？呢啲就真係得舒淇先知啦！