【黃金盛女】舒淇林心如林志玲情歸何處？

合稱台灣三大「黃金盛女」嘅舒淇、林心如同林志玲都有個共通點，就係踏入40歲，依然擁有「凍齡」嘅樣貌及身材。雖然事業有成，但感情方面就爭咗啲，仲未有着落。不過，現年40歲嘅林心如今日率先認愛，公開與36歲嘅台灣藝人霍建華拍拖，終於撇甩「盛女」之名！

咁舒淇同林志玲又情歸何處呢？現年40歲嘅舒淇貴為圈中「女神」，正所謂「靚女自然多人追」，佢先後同多位男星傳緋聞，仲同男星馮德倫曖昧多年，但女神一直自認單身，感情生活成疑。

至於現年41歲嘅台灣名模林志玲，被屢傳與台灣男星言承旭復合，唔少粉絲都希望呢件事成真，可惜雙方都否認傳聞，而佢上月接受台灣主持人黃子佼嘅訪問時自爆單身，仲話好擔心自己喺三年內嫁唔出去添！