宣布開騷！容祖兒歡迎歌迷投票揀歌

講起金句就會諗起黎明，但係除咗黎明仲有好多人都有金句，啱啱樂壇天后容祖兒就喺Facebook用「齊心就事成、齊心做事情」嚟宣布，喺出年頭半年公司落實舉行演唱會，容祖兒仲話想知道各位歌迷有乜嘢意見，希望歌迷們留言講低想聽嘅歌，歡迎大家投票心水選擇，容祖兒臨尾仲向「金句王」黎明致敬，學佢用食嘢嚟做結尾！

消息一出，短短一個鐘瀏覽人次就破咗6萬，粉絲們瘋狂留言話想聽容祖兒乜嘢嘅歌，個個都起手留言15首歌以上，啲歌名多到睇唔晒，容祖兒見到都唔知點揀，忍唔住要留言講番句：「多唔多啲呀？」而有部份粉絲除咗提議容祖兒唱乜嘢歌之外，仲留言話想容祖兒快啲推出新專輯。