陳煒約韓星成勛食飯開心晒自拍

憑無綫劇集《火線下的江湖大佬》爆紅嘅陳煒，近期工作多多，不過再忙都要抽時間休息吓，早前煒哥就趁有幾日空檔去咗韓國旅行，約埋一班好朋友諗住大血拼，點知四日行程最終冇乜斬獲，令煒哥大感失望，她笑言：「返到香港反而買得更多韓國貨，喺韓國只係買咗啲面膜囉！」雖然收穫少，但煒哥卻因朋友關係而遇上韓劇《Oh My Venus》的男角成勛：「係我朋友識佢，所以約埋一齊食飯，我就少睇韓劇，但有機會同枱食飯都好榮幸！」