何雁詩孖陳瀅劉佩玥行山迷路游繩逃生

歌手何雁詩（Stephanie）與谷微出席小型賽車比賽活動，Stephanie笑言自己手車好辣：「我考牌嗰時cut線嗰啲完全唔驚，行過晒港九新界嘅路。」她又話之前喺內地都有玩過室外嘅小型賽車，不過嗰時嗰感覺危險啲，今次就舒服好多。

講到Stephanie早前同陳瀅，劉佩玥去破邊洲行山，不過行咗半個鐘就蕩失路，又爬山又爬石：「之後再行咗兩個鐘先見到馬路，但落去個位比較斜，咁啱見到有兩個男人，佢哋幫我哋游繩落去，我仲要單手抱住隻狗游落去，結果整到隻手整到損晒。」問到行山行到受傷有冇畀男朋友鬧？她笑說：「佢初初聽到唔係咁開心，但返到去都有幫我搽吓嘢，好體貼㗎喇已經。」