愛犬病倒　林夏薇放低工作勁緊張

無綫小花林夏薇（薇薇）去年下嫁金融才俊莫贊生，升呢做索爆人妻，之後更踩入飲食界做老闆娘，咁忙唔怪得冇時間「造人」啦！而忙爆嘅薇薇最近又接拍新劇《乘勝追擊》，不過家中愛犬突然病倒，自然放低手上工作陪狗狗，佢呢日喺微博上載愛犬嘅近況，見到狗狗喺診所接受治療，心痛嘅薇薇都寫道：「拜託你一定要好起來！因為你比媽媽堅強！」唔少網友留言安慰佢，仲為佢愛犬祈禱，希望佢早日康復啦！